اختبار القدرات الأكاديمية ونصائح مهمة جداً..

بسم الله الرحمن الرحيم

ماراح أطول عليكم وبتكلم عن امتحان القدرات لجامعة الكويت .. بتكلم عن الكيميا و الرياضيات والانجلش لكن العربي اسمحولي انا ما دخلته لأني علمي والتخصص الي ابيه ما كان يبيله اختبار اللغة العربية

الاختبار راح يكون مقسم حق ثلاث ألوان الغرض منهم المراقب يعرف اذا احد داش على اختبار مو وقته بالأغلب الانجلش ابيض والرياضيات وردي والكيميا اخضر كلهم مع بعض وكل اختبار ساعة تقريباً والتفاصيل تحت:👇👇

أول شي نبدا بأكثر اختبار يقولون عليه صعب و الكل يخاف منه وما اييب النسبة الي يبيها أو بالأحرى ينصدم من درجاته

فيه

الرياضيات:

١- الاختبار عبارة عن ٢٠ سؤال ب ٦٠ دقيقة (ساعة) كل سؤال له ٥ درجات يعني السؤال بخمسة

٢- الاختبار منوع بالاسئله و راح اقولكم شنو نوعية الاسئلة انشالله

٣-ممنوع استخدام الآلة الحاسبة .. يمكن بعضكم يخاف من هالشي لأنه احنا متعودين نستخدمها بكل شي خصوصاً بضرب وجمع الأرقام السالبة و هكذا بس اقولكم لازم تتدربون كثر ما تقدرون على السالب والموجب بالضرب والجمع .. وايضاً جدول الضرب هذي اساسيات يعني عشان الواحد يقدر يحل واهوه مرتاح وما تتعقد الأمور

٤- تقريباً لازم كل سؤال تحلونه ب ٣ دقايق مو اكثر من هالثلاث دقايق وبعض الاسئله تنحل بأقل من دقيقة ترا .. لأن بعضها مكرر واييبون من النماذج الموجودة وبعضها نفس الفكرة بالضبط بس الارقام مختلفة

٥-هذي أهم الافكار بالنسبه حق اختبار الرياضيات

أهم نصيحة لازم تعرفونها ان الدورات مو مهمه كثر ما الواحد المفروض يتدرب بينه وبين نفسه ويدرس    ويراجع و بعد نصيحة ثانية حاولوا تدرسون كتاب ثامن وتاسع وعاشر رياضيات لأنه وايد مفيد وبعد تدربوا عالأسئلة الحياتيه الي فيهم 

اذا ما درستوا ولا تدربتوا ما راح تنفعكم الدورات بشي حتى لو دخلتوها ٥ مرات

للأمانه وعشان نكون صريحين أحسن دورة اهي دورة الوزان وايد زينه

انا جربت شرح المهندس (منصور المحميد )  وشرح المهندس هاشم الوزان واثنينهم ممتازين بالشرح و يسهلون الحل وايد عليكم و مذكرتهم الي يعطونكم اياها يانا اكثر من سؤال منها

هذا حسابهم بالانستغرام : @wazzanmath

وهذا رقمهم : 96596944224

الدورات بالأغلب تكون بشهر ١٢ و ٤ و ٦ يعني قبل موعد الاختبار انشالله ..

و دخلت بعض دورة الاستاذ براك العلي و هم واايد زينه وممتازه بعد و فيه جم سؤال من مذكرته يت بالاختبار

 للأمانه ضاع رقمه من عندي بس هذا حسابه بالانستغرام كلموه بالخاص اذا للحين بيسوي  دورات @barrak_Alali 

الدراسة حق الامتحان تكون من المذكرة للدورة الي بتختارون تسجلون فيها+ تدرسون مذكرتهم وايد عدل وتفهمون طريقة الاسئلة+ النماذج الي تكون بالموقع مفيدة واغلب الاسئله تيي منها

هذا الموقع فيه كل النماذج والمذكرات والاختبار الي اونلاين تحلونها مع وقت

https://t.co/7MULRG24Mx

 واذا تبون مساعدة بأي شي  أو أي استفسار انا اختكم موجودة كلموني على حسابي في تويتر @fatmatical 

.

.. و دعواتكم لي بالتوفيق

و بالتوفيق لكم جميعاً شباب وصبايا  ❤❤